सोरुमबाटै ४ वटा मोटरसाइकल चोरी

नवलपरासी, पुस २७–नवलपरासीको कावासोती इन्द्रचोकमा रहेको बजाज शो रुमबाट बिहीबार राती चारवटा मोटरसाइकल चोरी भएको छ ।
चारवटा पल्सर मोटरसाकइल, एक थान एलसिडी टिभी चोरी भएको इलाका प्रहरी कार्यालय कावासोतीले जनाएको छ ।
नवलपरासीको प्रमुख ब्यापारिक केन्द्र रहेको कावासोतीमा पछिल्लो समयमा भएको यो ठूलो चोरीको घटना हो । इलाका प्रहरी कार्यालय कावासोतीबाट करिब २ सय ५० मिटर पश्चिममा बजाज शो रुम रहेको छ ।
समयमै खबर गर्दा पनि प्रहरी घटनास्थलमा नआएको भन्दै स्थानीयबासिन्दाले पुर्वपश्चिम राजमार्ग अन्तर्गत कावासोतीमा चक्काजाम गरेका छन् ।
चोरीबारे अनुसन्धान थालिएको इलाका प्रहरी कार्यालय कावासोतीका डिएसपी नान्तिराज गुरुङले बताउनुभयो ।‘चोरीका घटना पत्ता लगाएर छोड्छौं स्थानीय वासिन्दाले यसमा सहयोग गर्नुपर्यो’उहाँले भन्नुभयो ।